Күн 37 градусқа дейін ысиды

Алдағы күндері 37 градусқа дейін ыстық болады. Синоптиктердің болжамынша,  Қазақстанның басым бөлігінде күн ашық әрі жауын-шашын жоқ. Бұл - алдағы үш тәулікке арналған ауа райы. Күндіз батыс, солтүстік және орталықта ауа температурасы 25-33 градусқа, шығыста 25 градусқа дейін көтеріледі. Мамандар оңтүстік өңірлерде аптап ыстық күшейетінін ескертті. Ал оңтүстік-шығыста ауа температурасы 30 градусқа дейін жетеді. Дегенмен батыс, оңтүстік және оңтүстік-шығыстың кей жерлерінде найзағай ойнап, қысқа мерзімді жаңбыр жаууы мүмкін. Таулы аймақтарда түн салқын болады.