Қасым-Жомарт Тоқаевтың «Синьхуа» агенттігіне берген сұқбаты Еуропада талқылануда

Президент Қасым-Жомарт Тоқаевтың «Синьхуа» агенттігіне берген сұхбатын еуропалық сарапшылар да жіті талқылап жатыр. «Қазақстан мен Қытай арасындағы қарым-қатынас ынтымақтастықтың «алтын дәуіріне» аяқ басты», дейді бельгиялық журналист Дерия Сойсал. Орталық Азия бойынша тәуелсіз сарапшы қос елдің тек тарихи көрші емес, сенімді серіктеске айналғанын айтады. Өзара визасыз режимнің енгізілуі қазақ экономикасының, туризмінің дамуына серпін берді, дейді сарапшы.

Дерия Сойсал, «Euro Reflect» басылымының басқарушы редакторы, Орталық Азия бойынша тәуелсіз сарапшы:

Қытай Қазақстанның басты серіктесі. Ал Қазақстан Еуропа мен Қытайды, Еуропа мен Азияны байланыстырушы алтын көпір. Президент Тоқаевтың қытай тілін жетік білуі, дипломатиялық тәжірибесі, аймақты терең түсінуі Қазақстан мен Қытай арасындағы қарым-қатынастарды дамытуда маңызды рөл атқарады. Шанхай ынтымақтастық ұйымы да қос тарап үшін маңызды платформаға айналды. Алдағы уақытта екі елдің достығы одан әрі нығая түсетініне сенімдіміз.