Мемлекет басшысы Сыртқы істер министрі Мұхтар Тілеубердіні қабылдады

Мемлекет басшысы жаңадан тағайындалған Сыртқы істер министрі Мұхтар Тілеубердіні қабылдады.
Кездесуде Президент сыртқы саяси ведомствоның негізгі міндеттерін айқындап, Қазақстанның ұлттық мүдделерін дәйекті түрде ілгерілетуді, теңгерімді сыртқы саясатты нығайтуды және экономикалық дипломатияны дамытуды тапсырды. Сондай-ақ Қасым-Жомарт Тоқаевтың қатысуымен өтетін алдағы халықаралық іс-шаралардың кестесі қаралды.