БҰҰ АҚШ пен Иранды дипломатияға оралуға шақырды

БҰҰ Құрама штаттар мен Иранды әскери қақтығысты тоқтатуға, шиеленісті одан әрі ушықтырмауға үндеді. Ұйым өкілдерінің мәлімдеуінше, қазіргі ахуал аймақтың әуе кеңістігіне, кеме қатынасына кері әсерін тигізіп отыр. Бұған қоса БҰҰ қақтығыстың шешімі тек дипломатия мен келіссөзге оралу арқылы табылатынын да ескертті. Сәрсенбіде АҚШ әскері Иранға соққы бергенін хабарлаған едік. Тегеран шабуылдан бірнеше адам қаза тауып, жараланғанын мәлімдеді. Дегенмен АҚШ бейбіт тұрғындарды нысанаға алғанын жоққа шығарып отыр.