Көлік саласы экономиканың драйверіне айналып келеді

Көлік саласы ел экономикасының драйверіне айналып келеді. Қазір жалпы ішкі өнімнің 6,1 пайызы осы секторға тиесілі. Мемлекет басшысы Қасым-Жомарт Тоқаев Жолдауында еліміздің транзиттік ахуалын арттыру үшін нақты тапсырмалар жүктегені белгілі. Оған сәйкес биыл жалпы ұзындығы 11 мың шақырым жолда түрлі жұмыстар қолға алынды. 3,4 мың шақырым жаңа жолдың құрылысы басталып, республикалық 5 мың және жергілікті 2,4 мың шақырым жолда жөндеу жүргізіліп жатыр. Негізгі бағыттар ретінде Ақтөбе – Қызылорда, Бейнеу – Сексеуіл, Сарыағаш айналма жолы, Жаңаөзен – Түрікменстан, Орталық – Батыс және Қарағанды – Жезқазған жобаларын атап өтуге болады.