Қызылордада тау-кен байыту комбинатының құрылысы басталды

Қызылорда облысы Жаңақорған ауданында жаңа тау-кен байыту комбинатының құрылысы басталды. Өңір экономикасын әртараптандыруға бағытталған ауқымды инвестжобаға қытайлық компания қаржы құйдыКомбинаттың алғашқы іргетасы құйылды. Жоспар бойынша ірі өндіріс орнының құрылысы екі жылда аяқталып, іске қосылмақ. Негізінен кен орнынан шыққан қорғасын мен мырыш шикізаты терең өңделетін болады. Сондай-ақ инвестор жылына 20 тонна күміс өндіруді көздеп отыр. Жергілікті билік индустриялық аумаққа электр желілерін тартып, қажетті инфрақұрылыммен қамтамасыз етпек.

Бауыржан Айтқұлов, қытайлық компанияның өкілі:

Бұл кен байыту комбинатының инвестициялық құны 300 млн АҚШ доллар, яғни 138 млрд теңгені құрайды. Мұнда 550 адам жұмыс істейді. 4 миллион тоннаға жуық руда өндіреміз.