Басты Жаңалықтар Жамбыл облысында «Түрксіб» вокзалы қайта ашылды

Жамбыл облысында «Түрксіб» вокзалы қайта ашылды

01.09.2026 17:20

Бүгін Жамбыл облысында «Түрксіб» теміржол вокзалы пайдалануға берілді. 2 млрд теңгеге күрделі жөнделген нысан заманауи талаптарға сай жаңа кейіпке енді.

Жөндеуден кейін станциядағы басты ғимараттың күту залы да кеңейіп, цифрлы ақпарат тақталары орнатылған. Ал вокзал аумағы 221 млн теңгеге абаттанды. Жалпы стратегиялық станцияның магистраль ретінде маңызы зор. Мұнда қалааралық және халықаралық бағыттар бойынша 20-дан астам жолаушы пойызы қатынайды. Айта кетейік, аймақта биыл тағы 4 темір жол вокзалы пайдалануға беріледі.

Ұбайдулла Жүнісов, Т.Рысқұлов ауданының тұрғыны:

Жаңа дизайнмен заманға жауап беретін сондай бір вокзал салып берген осы «Қазақстан Темір жолы» ұжымына, үкіметімізге, Президентімізге баршасына рахметімізді айтамыз.

Автор

Данияр Әлімқұл

Бөлісу