Өскеменде жаңа теміржол вокзалы пайдалануға берілді

Өскеменде жаңа теміржол вокзалы пайдалануға берілді. Бұл нысан Президент тапсырмасынан кейін салына бастаған еді. Жалпы аумағы 2 мың шаршы метрге жуық вокзалда жолаушылар үшін барлық жағдай қарастырылған. Вокзал маңындағы инженерлік коммуникация мен перрон жаңартылып аумағы толық абаттандырылды. Ерекше қажеттілігі бар жолаушылар үшін лифт, эскалатор, көтергіш платформа және тактильді навигация да қарастырылған. Бейнебақылау және өрт қауіпсіздігі жүйелерімен жабдықталған. Вокзалда күн сайын 2 мыңнан астам жолаушыға қызмет көрсетіледі. «Өскемен-1» станциясы арқылы Астана, Алматы, Аягөз, Жезқазған, Қарағанды және Достық бағытына жолаушылар тасымалдайтын 12 пойыз қатынайды.

Бұрынғы вокзал мұндай емес болатын. Жағдайы нашар болған. Қазір мына вокзалды көріп қуанып тұрмыз.