Жамбылда жедел жәрдем бригадаларының ІІ халықаралық байқауы басталды

Жамбылда жедел медициналық жәрдем бригадаларының екінші республикалық чемпионаты басталды. Сайысқа  еліміздің барлық өңірінен және шетелден 27 команда қатысып жатыр.

Мамандар үш күнге жоспарланған жарыста шұғыл жағдайларда медициналық көмек көрсету шеберлігін көрсетеді. Қазір олар арнайы алты конкурстық станцияда жарысып жатыр. Байқаудың бастапқы кезеңінде балалар мен ересектерге жансақтау бөлімінде көмек көрсетсе, келесі кезеңде жарақат алғандарға алғашқы ем-дом жасайды. Сондай-ақ босандыру барысында ана мен балаға  жасалатын жағдай бойынша сынға түседі. Ал ары қарай теориялық білім мен жүректі тексеру тапсырмаларын орындайды.