Қазақстан құрамасы Орталық Азия чемпионатында 26 медаль жеңіп алды

Қазақстан құрамасы жеңіл атлетикадан Орталық Азия чемпионатында 26 медаль жеңіп алды. Ташкентте өткен додада спортшыларымыз 11 алтын, 9 күміс және 6 қола медаль иеленді. Алтын жүлдегерлер қатарында Ұлболсын Есіркеп, Виктория Ан, Михаил Литвин, Алина Чистякова және Юлия Башманова бар. Сондай-ақ қазақстандық спортшылар ұзындыққа және үш қарғып секіру, найза лақтыру, ядро серпу және эстафетада үздік нәтиже көрсетті.