Қостанайда судомодель спортынан оқушылар арасында республикалық жарыс өтіп жатыр

Қостанайда оқушылар арасында судомодель спортынан республикалық жарыс өтіп жатыр. Доданың ақтық кезеңіне бес өңірден 80-ге жуық қатысушы жолдама алған.

Алматы қаласы, Батыс Қазақстан, Қарағанды, Ақтөбе және Қостанай облыстарынан келген жас спортшылар 4 күн бойы әр кезең бойынша өзара бақ сынасады. Олар өздері құрастырған алып кеме немесе желкенді қайық  үлгілерін ашық су айдынында сынап, жарыс жолына шығарады. Ең басты талап – қайықтың бағыттан ауытқымай, межеге дейін жылдам әрі ақаусыз жүріп өтуі. Басты мақсат – оқушылардың техникалық шығармашылығын шыңдап, инженерлік ойлау қабілетін  дамыту.

Бұл америкалық су жағаларын күзететін патрульді кеме. Біз бұны 5-6 ай дайындап, қазір суда жүргіземіз. Кедергілердің ортасынан жүруі керек. Барлығы 100 балл жинасаң, бірінші орынға тұрасың. Әдемі жүзеді.