Павлодардағы «көкек әкелер» букмекерлік кеңселерге кіре алмайды

Павлодарда «көкек әкелердің» букмекерлік кеңселерге кіруіне тосқауыл қойылды. Прокуратура пәрмені бойынша борышкерлер автоматты түрде анықталып, құмар ойындарына қатысуға рұқсат берілмейді. Ол үшін букмекерлік жеті кеңседе бірыңғай есепке алу жүйесі іске қосылды.  Мұндай шешімнің қабылдауны бекер емес. Бас прокуратураның мәліметіне қарағанда, мойындарында алименттік берешегі бар 279 павлодарлық құмар ойындарға қатысып, бақандай 600 млн. теңгеден астам қаражатты бәс тігуге салған. Сорақысы сол, олардың 97-і алимент төлеуден қасақана жалтарып жүргендер екен.