Алматы облысында су құбыры жарылып, жол опырылды

Алматы облысының Қарасай ауданында су құбыры жарылып, жолдың бір бөлігі опырылып түсті. Оқиға 25 тамыз күні таңғы сағат 4 шамасында Қайрат ауылындағы Қызылжар көшесінде болған. Қазір дәл бұл учаскеде көлік қозғалысы уақытша тоқтатылды. Ал Қаскелең республикалық автожолында қозғалысқа шектеу қойылған жоқ. Көліктер Жандосов ауылы жағынан қатынап жатыр. Қалпына келтіру үшін екі арнайы техника мен төрт жұмысшы жұмылдырылған.