«Sarap»: Құрылтайдың міндеттері

Жаңа шақырылымдағы Құрылтайдың сапалық құрамы, депутаттық корпустағы сабақтастық пен жаңару мәселесі «Sarap» сарапшылар клубының отырысында талқыланды. Мамандардың айтуынша, жаңа мандат иелері кәсіби біліктілікпен қатар саяси этиканы сақтауы маңызды. Сондай-ақ депутаттар елдің мәселесін ескеріп, қоғаммен тұрақты байланыс орнатуы қажет. Себебі Құрылтайдың алдында қоғам мен билік арасындағы байланысты күшейту, азаматтарды заң шығару процесіне кеңінен тарту міндеті тұр.

Жамаладен Ибрагимов, заң ғылымдарының докторы:

Аймақтарға белгілі бір мәселе туындап қалған кезде емес, жүйелі түрде аймақтарда азаматтармен кездесіп, әлеуметтік, экономикалық жағдайда қандай мәселелер бар, сол мәселелерді шешу үшін үнемі өздерінің сайлаушыларымен, азаматтармен байланыста болуы керек. Заң жобаларын талқылау кезінде кәсіби мамандарды: ғалымдарды, заңгер, экономист басқа да әр саланың мамандарын заң жобасын дайындауға, сараптамалық жұмыстарға үнемі қатыстырып отыруы керек.