Алматыда жаңа әскери қалашық салынып жатыр

Алматыда Ұлттық ұланға арналған жаңа әскери қалашық салынып жатыр. Нысан шамамен 27 гектар аумақты қамтиды. Қалашықта әскери қызметшілерге арналған тұрғын үй және әкімшілік ғимараттар, әскери техникаға арналған тұрақтар, қоймалар мен кинологиялық бөлімше болады. Сонымен қатар инженерлік нысандар мен қажетті коммуникациялар жүргізіледі. Құрылыс жұмыстарын 2027 жылдың соңына дейін аяқтау жоспарланған. Жаңа кешен Ұлттық ұланның Алматыдағы материалдық-техникалық базасын күшейтеді.