Сайлау науқанына 5 мыңға жуық комиссия мүшесі жұмылдырылды

Алматы облысында сайлау науқанына 5 мыңға жуық комиссия мүшесі жұмылдырылды. Бұған дейін олардың кәсіби даярлығына ерекше көңіл бөлініп, арнайы оқыту семинарларынан өткен. Бұл процесс Орталық сайлау комиссиясының басшылығымен ұйымдастырылып, мыңдаған комиссия мүшелері мен сайлау процесіне қатысушылар біліктілігін арттырған.

Мейрамгүл Айтова, облыстық аумақтық сайлау комиссиясының төрағасы:

Комиссиялардың бүгінгі негізгі міндеттері дауыс беруді ұйымдастыру. Дауыс берудің қорытындысын анықтау. Сонымен қатар денсаулығына байланысты сайлаушылар сайлау учаскелеріне келе алмаған жағдайда олардың дауыс беруін қарапайым тілмен айтқанда үйден ұйымдастыру.