Еңбек адамын дәріптейтін жол картасы қажет

Еңбек адамының мәртебесін көтеру – бір күндік науқанмен шектелмейтін, жүйелі мемлекеттік саясатты қажет ететін мәселе. Онлайн марафон алаңында осы бағытта ұсынысын айтқан профориентолог маман еңбекке баулуды мектеп қабырғасынан бастаудың маңызын атап өтті. Оның пікірінше, оқушыны тек мамандықтармен таныстырып қою жеткіліксіз. Яғни оқушы кәсіпорынға барып, өндірістің тынысын көзімен көріп, түрлі мамандық иелерімен кездесіп, еңбек адамының күнделікті жұмысын түсінуі керек. 

Айдос Жұманазар, педагог, профориентолог:

«Мектептен өндіріске дейін» жол картасын сызып, ата-аналар мен оқушыларға бағыт-бағдар беру жұмысын өте сапалы түрде өткізуіміз керек. Сонда адамдар нағыз еңбек адамының кім екенін түсінеді, мамандық таңдауда қателеспейді. Оңай ақша табамын деп өмірде қателік жасамайтын болады.