Қазақстан байрағы әлемде үздік деп танылды

Reddit платформасында Flags of the World атты ауқымды онлайн-турнирі өтіп, интернет қолданушыларына 64 мемлекеттің туы ұсынылған. Дауыс беру нәтижесінде біздің байрағымыз үздік атанды. Есте қалатын дизайн, түстердің үйлесімділігі, тудың мағынасы тұрғысынан қарап, реддит қолданушылары өз таңдауын жасаған. Жалпы турнир плей-офф форматында өткен. Яғни екі ту қатар қойылады, келесі кезеңге көп дауыс жинаған елдің байрағы өтеді. Ширек финалда Қазақстан туы Бразилияны, оған дейін Черногорияны басып озған. Соңғы нәтиже бойынша екінші орынға Кирибати, үшінші орынға Бутан елі, ал одан кейін Сейшел аралдары жайғасты.