Биыл елімізде 190 мың автокөлік шығарылады

Елімізде автокөлікке деген сұраныс артқан. Сондықтан жыл соңына дейін 200 мыңға жуық автокөлік шығару жоспарланып отыр. Жыл басынан қанша транспорт құрастырылды?

Биыл елімізде 94 400 автокөлік өндірілген. Бұл өткен жылдың сәйкес кезеңімен салыстырғанда 35%-ға жоғары. Көлік министрлігінің мәліметінше, жыл соңына дейін 190 мың көлік шығару жоспарланып отыр. Өйткені елде темір тұлпарға деген сұраныс артып келеді. Мәселен, шілде айында автокөлік саудасы 6 пайызға өскен. Сандарды сөйлетсек, өткен айда ресми дилерлер 21 371 жеңіл және коммерциялық автокөлік сатқан.