Президент сайлаудағы партиялардың бәсекелестігіне оң баға берді

Үкімет барынша табанды, жедел жұмыс атқарып, Мемлекет басшысы қойған міндеттерді орындап отыр. Бүгін президент брифинг барысында үкіметтің жұмысына қатысты сұраққа осылай жауап берді. Дегенмен, Қасым-Жомарт Тоқаев, үкіметтің отставкаға кететінін және құрамында бірқатар өзгеріс болатынын айтты. Өйткені бұл --- Үкіметтің жұмысына қан жүгіртеді. Сондай-ақ, мемлекет басшысы партиялар арасындағы саяси бәсекелестік пен дебаттарды оң бағалады.

Қасым-Жомарт Тоқаев, Қазақстан Республикасының президенті:

Мен бұл мәселеге оң баға берсем, қателеспеймін. Меніңше, саяси науқан жақсы өтті. Өте ұтымды, мазмұнды теледебаттар болды. Жастарымыз пікірталастарды зор ықыласпен тамашалады. Оған бәріміз де куә болдық. Бұл жаңғыруымыздың жаңа кезеңі әрі қарышты қадам болды деп айта аламын.