«Ақ жол» партиясының төрағасы дауыс берді

«Ақ жол» демократиялық партиясының төрағасы өз таңдауын жасады. Астанадағы №125 сайлау учаскесіне келіп дауыс берген Дания Еспаева жәшікке бюллетенін тастай сала тілшілерге бұрылып сұхбат берді. Үгіт-насихат кезіндегі азаматтардың белсенділігін, олардың талап-тілегін айтып бүгін де сондай қарқында сайлауға қатысатынына сенім білдірді.

Дания Еспаева, «Ақ жол»  демократиялық партиясының төрағасы:

Тарихымызда бірінші рет құрылтайға сайлау болып жатыр. Меніңше бүгін халқымыз өзінің белсенділігін көрсетіп сайлауға келіп өзінің таңдауын жасайды. Дайындалу, үгіт-насихат жоғары деңгейді өтті.