Қазақстан халық партиясының төрағасы дауыс берді

Қазақстан халық партиясының төрағасы Нұрсұлтан Шоқанов та өз таңдауын жасады. Сайлау учаскесінде, дауыс бергеннен кейін журналистерге сұхбат берген ол, жаңа саяси кезеңде әр азаматтың белсенді болуының маңызды екеніне тоқталды.

Нұрсұлтан Шоқанов, Қазақстан халық партиясының төрағасы:

Біз үшін елдегі саяси өзгерістің бір бөлігі болу үлкен мәртебе. Сайлау алдында мыңдаған қазақстандықпен кездесіп, белсенділігіне куә болдық. Осындай азаматтарымыздың көмегімен бәріміз бірге мықты Қазақстанды құратынымызға күмәнім жоқ.