16 сағаттық жалпыұлттық онлайн-марафон басталды

Дәл қазір ҚазМедиа орталығында Құрылтай сайлауына орай ұйымдастырылған жалпыұлттық онлайн-марафон  басталды. Қоғам қайраткерлері, БАҚ өкілдері, сарапшылар мен спортшылар және өнер жұлдыздары өзекті тақырыптарды ортаға салмақ. 1-ші қабаттағы марафон алаңынан тікелей қосылымға шыққан тілшіміз Нұрсұлтан Тілектес айтып берсін. Нұрсұлтан, сіз байланыстасыз...

Нұрсұлтан Тілектес, тілші:

Иә, міне көріп тұрғандарыңыздай жалпыұлттық онлайн-марафон  басталып жатыр. Ауқымды шараға қатысатындар келіп өз орындарына жайғасып жатыр. Бүгін қоғам қайраткерлері, БАҚ өкілдері, сарапшылар мен спортшылар және өнер жұлдыздары қоғамдық-саяси, әлеуметтік-экономикалық және тарихи-мәдени тақырыптар бойынша ой бөліседі. Одан бөлек Touch Screen арқылы еліміздің даму көрсеткіштеріне қатысты статистика мен рейтингтер көрсетіледі. Викторина мен ойын-сауық бағдарламалар да қарастырылған. Әр екі сағат сайын меншікті тілшілер шетелдегі дауыс беру нәтижелерін баяндайды. Сондай-ақ Орталық сайлау комиссиясы ресми ақпараттарды жариялап отырады. Жетістікке жеткен тұлғалар мотивациялық дәрістер оқиды. Тілшілер Астана, Алматы және Шымкен сынды мегаполистердің тыныс-тірлішігін көрсетіп, өңірлердегі қарқынды құрылыс жайын баяндайды. Марафон 16 сағатқа созылады. Біз осы алаңнан сағат сайын Сіздерге қосылып ақпарат таратамыз.