170 сайлау учаскесі 6:00-де ашылды

170 сайлау учаскесі, бүгін басқалардан 1 сағатқа ерте, яғни таңғы сағат 6:00-да ашылды. Олардың арасында әскери бөлімдер жанында орналасқан учаскелер де бар.  Мысалы, Астанадағы Мемлекеттік күзет қызметі «Айбын» президенттік полкы 0112 әскери бөліміндегі номері 72-учаске сағат 6-да ашылып, бірінші келген сарбаздарға сыйлықтар берілді.

Айта кетейік, бүгін жұмыста болатын түрлі саладағы қызметкерлердің дауыс беруі үшін ел бойынша осындай арнайы учаскелер қарастырылған. Олар әскери бөлімдерде, медициналық мекемелерде, перзентханаларда және басқа да маңызды объектілерде ұйымдастырылған.

Ақжол Жомартқанов, «Айбын» президенттік полкы 0112 әскери бөлімінің сарбазы:

Әр азаматқа елі мен жері керек. Сол үшін дауыс беру керек деп ойлаймын.