Құрылтайдың құзыреті кеңейе түседі

Бір палаталы Құрылтайдың  құзыреті кеңейеді. Егер депутаттардың бестен бірі бастама көтерсе, Үкіметтің өкілеттілігін тоқтатуға құқылы.  Сондай-ақ Президент ұсынған Премьер-министр, Вице-президент, Конституциялық Сот судьялары, Орталық сайлау комиссиясы Құрылтай депутаттарының келісімі арқылы ғана тағайындалады. Жалпы, жаңа заң шығарушы органда 145 мандат болып, депутаттар пропорционалды жүйемен 5 жылға сайланады.  Бұл жүйе партиялардың кадрлық саясатын дамытуына ықпал етіп, қоғам алдындағы жауапкершілігін арттырады, дейді мамандар.

Индира Рыстина, саясаттанушы:

Сондай-ақ бұл жерде жауапкершілік артылады. Бір себебі - бұрын Мәжіліс депутаттары  абстрактылы түрде айтатын болсақ, бізден кейін Сенат бар деген оймен заң жобалары қаралуы мүмкін еді. Ал қазіргі уақытта Құрылтай депуттарының жауапкершілігі толықтай өздерінде және де бұл тұста жұмыс комитеттеріне аса үлкен жауапкершілік тартылып отыр.