Тұрғындарды тіркеу тәртібі өзгеруі мүмкін

Бұдан былай Алматыда тұрғындарды тіркеу кезінде пәтердің шаршы метрі ескерілуі мүмкін. Әкімдік әзірлеген заң жобасына сәйкес, бір адамға кемінде 15 шаршы метр тұрғын алаңы қарастырылмақ. Яғни аумағы 60 шаршы метр пәтерге төрт адамға дейін тіркеуге мүмкіндік берілуі ықтимал. Ұсыныс адам санын  нақтылауға әрі жалған тіркеуге тосқауыл қою үшін жасалып отыр. Бұған дейін Наурызбай ауданындағы бір бөлмелі пәтерде 990 адамның тіркелгені анықталған болатын. Әкімдік бұл өзгеріс ішкі көші-қонды шектеуді көздемейтінін атап өтті. Қазір заң жобасы қоғамдық талқылауға шығарылды. Өзгеріс қабылданса, Алматы тұрғындарын тіркеу барысында баспананың аумағы негізгі өлшемдердің біріне айналады.