БҚО-да қайтарылған қаражат есебінен ауылға ауызсу берілді

Батыс Қазақстан облысында қайтарылған қаражат есебінен Теректі ауданы Алғабас ауылының тұрғындары сапалы ауыз сумен қамтылды.

Ауылда бұған дейін орталықтандырылған су жүйесі болмаған. Тұрғындар құдықтың кермек суын тұтынып келген. Елді мекен инфрақұрылымын дамыту үшін былтыр екі ұңғыма мен су мұнарасы салынған еді. Облыстық прокуратураның мәліметінше, әлеуметтік жобаға қайтарылған активтер есебінен 576,9 млн теңге қаржы жұмсалған.

Нәтижесінде 200-ден астам абонент сапалы ауызсуға қол жеткізді.