Елдегі шетел азаматтарына талап күшейді

Енді Қазақстанда жүрген шет ел азаматтары ел аумағында болу және еңбек ету талаптарын қатаң сақтауы тиіс. Ережені бұзған жағдайда әкімшілік жауапкершілік күшейді. Рұқсат етілген мерзім аяқталғаннан кейін ел аумағында 10 тәуліктен астам заңсыз жүргендерге 25 айлық есептік көрсеткіш көлемінде айыппұл салынуы немесе елден шығарылуы мүмкін.Ал қажетті рұқсат құжаттарынсыз жұмыс істеп немесе визада көрсетілген мақсатқа сәйкес келмейтін қызметпен айналысқандар үшін де заң қатал. Ондай жағдайда 10 тәулікке қамалып тіпті елден шығару жазасы қолданылуы мүмкін.

Шетел азаматының елде болу мерзімі 5 тәуліктен асып кеткен жағдайда да айыппұл қарастырылған.