1-сыныпқа 380 мыңнан аса бала барады

Жаңа оқу жылында елімізде 380 мыңнан астам бала бірінші сыныпқа барады. Қазіргі уақытта олардың 320 мыңға жуығы, яғни 84%-ы мектепке қабылданды.

Бұл туралы Оқу-ағарту министрлігі хабарлады. Оның ішінде 296 мыңға жуығы мемлекеттік, ал 23 мыңы жекеменшік мектептерге барады. Сонымен қатар ерекше білім беру қажеттіліктері бар 4 мың бала мектепке қабылданды. Өтініштердің 84%-ға жуығы электронды түрде берілген. Балалардың 71%-дан астамы қазақ тіліндегі, 26%-дан астамы орыс тіліндегі, ал 2,5%-ға жуығы басқа тілдердегі сыныптарды таңдаған. Құжаттарды қабылдау 31 тамызға дейін жалғасады.

Айта кетейік, ата-аналар құжаттарды eGov.kz, eGov Mobile арқылы немесе мектепке тікелей тапсыра алады.