Елде 124 теміржол вокзалы жаңартылады

Үкіметте теміржол вокзалдарын жаңғырту және реконструкциялау мәселелері бойынша кеңес өтті. «Қазақстан темір жолы» Ұлттық компаниясының басшылығы 124 теміржол вокзалын реконструкциялау барысы туралы баяндады. Сондай-ақ, Атырау, Ақтөбе, Маңғыстау, Абай облыстарының әкімдері атқарылып жатқан жұмыстың есебін берді. Бүгінде 71 теміржол вокзалы қайта жаңартылып, пайдалануға берілген. Қалған нысандар бойынша жұмыстар бекітілген кестеге сәйкес жалғасып жатыр.