Каспий теңізіне дизель отыны төгілген

Маңғыстауда Каспий теңізіне дизель отыны төгілген.

Жанармайдың іздері Аташ елді мекені жағалауынан байқалды. Экологтар судан сынама алып, төгілген майдың қоршаған ортаға зиянын анықтап жатыр. Теңізге май төгілгендігі жөніндегі ақпарат 8 тамызда түскен. Осыдан кейін мамандар Аташ жағалауы мен оған іргелес теңіз аумағын тексерді. Қазір аталған аумақта мониторинг жұмыстары жалғасып жатыр. Экологтар теңізде жұмыс істейтін кеме экипаждары мен айлақ иелеріне қоршаған ортаны қорғау талаптарын қатаң сақтауды ескертті.

Баутин, Аташ тұрғындарынан бізге Каспий теңізінің жағалауында май қалдықтарының ізі анықталды деп хабарлама келді. Шолу жұмыстары барысында Аташ, Баутин елді мекендері теңіз жағалауынан су сынамалар алынды. Қазіргі жағдайда талдау жұмыстары жүргізілуде. Талдау жұмыстары нәтижесіне қарай тиісті шаралар қабылданады.