Қазақстандық теннисші Соня Жиенбаева Испаниядағы W75 турнирінің жеңімпазы атанды

Финалдық кездесуде 20 жастағы қазақстандық спортшы Болгария өкілі Изабелла Шиникованы екі сетте жеңіп, чемпиондық титулды жеңіп алды. Бұл – Жиенбаеваның кәсіби мансабындағы ең ірі жетістіктердің бірі. Бұл турнирде Жиенбаева Ұлыбритания, Жапония және басқа да елдердің теннисшілерін тізе бүктірді. Жеңісі қазақстандық теннисшіге WTA рейтингінде ұпай қорын толықтыруға және әлемдік рейтингтегі орнын жақсартуға мүмкіндік береді.