Кітап оқып, 600 мың теңге ұтып ал

Кітап оқып, 600 мың теңге ұтып ал. Дәл осындай мүмкіндік астаналықтарға беріліп отыр. Шарты қарапайым. Марафонға қатысушылар алты ай ішінде 15 кітап оқып, кейін тестілеу мен бірқатар зияткерлік ойындарға қатысады. Бірінші орынға - 600 мың теңге, екінші орынға - 450 мың теңге, үшінші орынға - 300 мың теңге ақшалай сыйлық бар. «Кітап оқитын ұлт» марафонына кез келген ниет білдірушілер қатыса алады. Марафон қазақ және орыс тілдерінде өтеді. Қатысушыларды тіркеу биыл қыркүйек айында жобаның www.reading-nation.kz⁠ ресми сайтында басталады.