Бастауыш сыныптарда БЖБ мен ТЖБ-ны алып тастау ұсынылды

Бастауыш сыныптарда БЖБ мен ТЖБ-ны алып тастау ұсынылды.Тиісті бұйрық жобасы қоғамдық талқылауға шығарылды. Құжат “Ашық ” порталында жарияланды. Өзгеріс 2-4-сынып оқушыларына қатысты. Қаулы күшіне енсе, оқушылардың білімі  тақырыптық және қорытынды бақылау арқылы бағаланады. Нәтижесі тоқсандық баға қою кезінде есепке алынады. 5-11 сыныптарда БЖБ мен ТЖБ бұрынғыдай болады. Ал 1-сынып оқушыларына баға қойылмайды. Министрлік бұл шешім ата-аналар мен мұғалімдердің ұсыныстары негізінде әзірленгенін айтты. Сарапшылар БЖБ мен ТЖБ бастауыш сынып оқушыларына артық психологиялық жүктеме түсіріп, олардың білімін толық бағалай алмайды деген қорытындыға келген.