ҚФФ Қазақстан құрамасының жаңа бас бапкерін таныстырды

Қазақстан футбол федерациясы ұлттық құраманың бас бапкері қызметіне нидерландтық маман Джон ван'т Схипті тағайындады. Бұл туралы федерацияда өткен ресми таныстыру рәсімінде белгілі болды. Сонымен қатар ұлттық құраманың бапкерлер штабына Нұрбол Жұмасқалиев қосылды. Ол бас бапкердің көмекшісі қызметін атқарады. Оған қоса штаб құрамында Елдос Ахметов те бар. Ол да бас бапкердің көмекшісі. Юрий Новиков – қақпашылар бапкері, Вадим Боровский – дене дайындығы жөніндегі жаттықтырушы, Тимур Құсайынов аналитик болып жұмыс істейді. 62 жастағы Джон ван'т Схип бапкерлік мансабында Грекия және Армения ұлттық құрамаларын жаттықтырған. Сондай-ақ Нидерланд құрамасының бапкерлер штабында қызмет атқарған.