Астанада жолаушы мінген ұшқышсыз әуе кемесі алғаш рет әуеге көтерілді

Бұл ел тарихындағы жолаушы мінген ұшқышсыз әуе кемесінің алғашқы демонстрациялық ұшуы. Электр қуатымен қозғалатын әуе аппараты «Болашақ ойындары – 2026» халықаралық турнирі аясында арнайы рұқсат етілген аумақта сынақтан өткізілді. Әуе кемесі екі жолаушыны тасымалдай алады. Оның ең жоғары жылдамдығы сағатына 130 шақырымға жетеді, ал ұшу қашықтығы 35 шақырымға дейін жетеді. Алғашқы кезеңде еліміздің табиғи, тарихи және мәдени көрікті жерлері үстімен ұзақтығы 5–30 минут болатын туристік және демонстрациялық бағыттарды іске қосу жоспарланып отыр.