Тойда теріс пікір айтқан тұрғынға қатысты қылмыстық іс қозғалды

Түркістан облысы Жетісай ауданында тойда түсірілген бейнежазбаға қатысты полиция қылмыстық іс қозғады. Бұл туралы еліміздің Ішкі істер министрлігі ресми мәлімет таратты.

Тойда сөз  алған қонақ теріс уағыз айтып, желіде тараған оның видеосына халық наразылық білдірді. Қоғамды қызу пікірталас туғызған осы оқиғаға қатысты құқық қорғау орган өкілдері тексеру жүргізіп, бұл азаматтың Түркістан облысының 66 жастағы тұрғыны екенін анықтады.

Ол діни және әлеуметтік араздықты қоздыру белгілері бар мәлімделер айтқаны үшін күдікті деп танылып, тергеу шаралары басталды. Министрлік сөз бостандығы жауапкершіліктен босатпайтынын ескертіп, заң талаптарын бұзу белгілері бар кез келген жария мәлімдемеге құқықтық баға берілетінін ескертті.