Каспий теңізінің ластануы туралы фильм көрсетілді

Каспий теңізінің ластануы қоршаған ортаға орны толмас зиян әкелуі мүмкін. Бұл мәселеге қоғам назарын аударту мақсатында еліміздің әр өңірінде деректі фильм көрсетіліп жатыр. «Таза Қазақстан» жобасы аясында Петропавл қаласында өткен шараға 50-ден астам студент қатысты. Фильмде Каспий теңізінің ластануы, адамның табиғатқа әсері және экологиялық мәселелерді шешудегі әр адамның рөлі көрсетілді. Фильм аяқталған соң жастар пікір алмасып, өз ойларын ортаға салды. Ұйымдастырушыларға экология, тұрмыстық қалдықтарды сұрыптау, қайта өңдеу және волонтёрлік бастамалар туралы сұрақтарын қойды.

Нұрәлі Мұхамеджан, студент:

Кинокөрсетілімде Каспий теңізінің экологиялық мәселесін білдік және көрдік. Әр адам өз артынан кейін жинап жүрсе, мұндай мәселелер болмайды деп ойлаймын. Ол экологиялық мәселені біздің жастар шешеді деп ойлаймын.