Нью-Йорктегі өрттен 21 адам зардап шекті

Нью-Йорктің Куинс ауданында ірі өрт болды. Салдарынан 21 адам зардап шеккен. Бұл жайлы қаланың өрт сөндіру қызметі хабарлады. От сенбі күні таңертең Флашинг аймағындағы тұрғын үйлердің бірінде тұтанып, кейін көрші екі ғимаратқа тараған. CBS News New York телеарнасының дерегінше, зардап шеккендердің өміріне қауіп төніп тұрған жоқ. Ал PIX11 телеарнасы бес өрт сөндірушінің орташа және ауыр жарақат алғанын жеткізді.