Маңғыстауда ауыл тұрғындары әлеуметтік қызметтердің игілігін көруде

Тұрғындар атаулы әлеуметтік көмек, материалдық төлемдер, мүгедектігі бар азаматтарға көрсетілетін мемлекеттік қолдау және санаторий-курорттық жолдамалар сияқты қызметтерді электронды форматта ала алады. Мәселен, 180 мыңға жуық тұрғыны бар Мұнайлы ауданында жыл басынан бері 15 мыңға жуық өтініш қабылданса, оның 10 мыңы онлайн түрде көрсетілген. Бұл ауыл тұрғындарының қажетті қызметті үйден шықпай-ақ алып отырғанын  көрсетеді. Қазір электронды форматқа көшпеген қызметтерге талдау жүргізіліп, оларды цифрландыру жалғасып жатыр.

Илгизар Мухгаранов, Бесшоқы ауылының тұрғыны:

Қазіргі таңда ЭЦП аштыруға келдік, ешқандай проблема жоқ, бәрі жылдам. Қызмет сапасы өте жоғары деңгейде. Ішінде атмосфера өте әдемі. Халық көп болғанымен, кезек жылдам-жылдам өтіп жатады.