Түркістан облысында аптап ыстықтың кесірінен автожолдарға нұқсан келді

Соңғы күндері ауа температурасы 40 градустан жоғары болуы себепті, кейбір цементбетон жолдар көтеріліп, қозғалысты қиындатқан. Жаз басталғалы өңірде республикалық маңыздағы мұндай жолдардың 13 учаскесінде бетон плиталар жарылып кеткен. Жол жамылғысының температурасы 60-70 градусқа дейін қызған кезде зақым келген. Жұмысшылар бүлінген учаскелерді дереу жөндеп, көлік қозғалысы қалпына келді. Арнайы кезекші топ цементбетон жабындарын тәулік бойы тексеріп,  мониторинг жүргізуде.

Ерсайын Сейдакбар, «ҚазАвтоЖол» АҚ Түркістан облыстық филиалы бөлімінің бас маманы:

200-ге жуық жол жұмысшысы бар. Әр пункт бойынша 12 жол пайдалану бөлімшесі бар. Арнайы техникалар күзетілім жүргізіп жүр, ішінде бірнеше адамы бар. 12 арнайы күзетілім жүргізетін техника бар. Одан бөлек 24 техника бар, жол телімінің бұзылуына байланысты жұмылдырылады.