Англия мен Уэльсте аптап ыстықтан 2700 адам көз жұмды

Англия мен Уэльсте аптап ыстықтан 2700 адам көз жұмған. 35 градусқа дейін көтерілген ауа температурасы тұрғындарды әбігерге салды. Әсіресе ылғалды климат үшін мұндай аптап ыстық әлдеқайда ауыр сезіледі.

Лондон империялық колледжі, Ұлыбританияның метеорологиялық қызметі мен Лондон гигиена және тропикалық медицина мектебінің зерттеушілері осылай деп мәлімдеді.  Мамыр мен маусым айларында қайтыс болғандардың шамамен 60 пайызы 85 жастан асқан қарт кісі. Дені  Лондонның тұрғыны. Себебі қалалық жерде асфальт пен бетон күннің жылуын сіңіріп, кейін оны ауаға қайта бөледі. Соның салдарынан халық зардап шегіп жатыр, дейді ғалымдар.

Клэр Барнс, Лондон империялық колледжінің ғылыми қызметкері:

Бұл табиғи құбылыс емес, Антропогенді жаһандық жылынудың салдары. Аптап ыстық егде жастағылар мен созылмалы ауруы бар науқастар үшін ғана емес, тіпті сау адамның өзіне үлкен қауіп төндіріп тұр.