Әлеуметтік желіге коменданттық сағат енгізіледі

Ұлыбритания үкіметі келер жылдың көктемінен бастап, 16–17 жастағы жасөспірімдердің түнгі уақытта онлайн-платформаларда отыруын шектемек.

Автоматты түрде енгізілетін «коменданттық сағат» түнгі 00:00-ден 06:00-ге дейін жалғасады.  Тыйымның басты мақсаты — балаларды зиянды контенттен және кибербуллингтен қорғап, әлеуметтік желі алгоритмдеріне деген тәуелділіктің алдын алу. Сондай-ақ әлеуметтік желілерден смартфон экраны алдында ұзақ уақыт отыруға итермелейтін функцияларды өшіру талап етіледі. Бұдан бөлек жасанды интеллект негізіндегі чат-бот әзірлейтіндер  18 жасқа толмағандардың әлеуметтік желіні пайдалану уақытына шектеу енгізуі керек болады.

Джулсу Суини, қоғам белсендісі:

Технологиялық компаниялар жағдайды түзегісі келсе, баяғыда қолға алар еді, бірақ ондай қадамға бармады. Білесіз бе, оларды мәжбүрлемейінше ештеңе істемейді. Енді, міне, сең қозғалды деп ойлаймын.