Аралда бірнеше өндіріс орны ашылды

Қызылорда облысы Арал ауданында мотоцикл құрастыру кәсіпорны ашылды. Онда жеңіл техниканың бірнеше түрі шығады. Өңірдегі өзге де инвестициялық жобалар жайлы тілшіміз Әділбек Серікұлы рет-ретімен тарқатады.

Арал өңірінде түйе шаруашылығы өркендеген. Ойсылқара төлін өсіріп келген аудан енді оның сүтін терең өңдеуді қолға алды. Жеке инвестор жобаға 3 млрд теңге қаржы құйған. Зауытта күніне 20 мың литр сүт қондырғыларда құрғатылып, ұнтақ күйінде шығады. Өнімнің басым бөлігі Қытайға экспортталмақ.     

Нұғырбек Абулғазин, инвестор:

Ең соңғы технология деп айтсақ артық емес. Оның құрамында қандай минералдар бар, қандай витаминдер бар 99,9 пайыз сақталады. Кептіру технологиясы дейді. Ол құрғатады.

Аудан үшін тағы бір маңызды жоба  – мотоцикл құрастыру зауыты. Конструкторлар жеңіл техниканың қуаттылығына қарай бірнеше түрін шығарып жатыр. Негізгі бөлшектері Қытайдан жеткізіледі. Мотоциклдардың алғашқы легі ел нарығына шығып үлгерді, жан-жақты сұраныс бар.  

Ханбек Қуанғали, кәсіпорын жетекшісі:

Ішкі істер министрлігінен және шекара қызметінен 1000-дық квадроциклге сұраныс боп жатыр. Жобамызда сол квадроцикл шығару. Одан басқа электрлі скутерлерді шығару жоспарлануда.