Сайлау және азаматтық жауапкершілік: Қоғам дамуының негізгі факторы

Сайлау – әр азаматтың ел болашағына ықпал ететін маңызды таңдауы. Бұл әрбір адамның конституциялық құқығы ғана емес, қоғам алдындағы жауапкершілігі.

Қазіргі таңда Қазақстанда саяси жаңғыру үдерісі жалғасып жатыр. Алдағы Құрылтай сайлауы мемлекеттің даму бағытын айқындайтын маңызды қадам. Заңды құрметтеу, қоғамдық мәселелерге бейжай қарамау, елдің дамуына атсалысу – саналы азаматтың басты міндеті. Осындай белсенді ұстаным қалыптасқанда ғана қоғамда әділдік пен тұрақтылық нығаяды.

Еркемай Саниязова, құқықтану магистрі:

ҚР әрбір азаматы сайлауға белсенді түрде қатысса, мемлекеттің сапалы басқарылуына кепіл болар еді деп ойлаймын. Қазіргі таңда азаматтардың көзі ашық, көкірегі ояу, саяси құқықтарын, саяси мәдениеттерін өте жақсы біледі. Сайлауға деген пікірлері оң деп есептеймін.