Құрылтай сайлауына дайындық талқыланды

Бүгін Орталық сайлау комиссиясының төрағасы Нұрлан Әбдіров Еуропадағы қауіпсіздік және ынтымақтастық ұйымының өкілдерімен кездесті. Нақтырақ, демократиялық институттар және адам құқықтары жөніндегі бюросының сайлауды бақылау миссиясының жетекшісі Винсент Пикет Астанаға келді. Кездесуде Қазақстандағы алғашқы Құрылтай депутаттары сайлауына дайындық барысы, конституциялық реформа және сайлау науқанының кезеңдері талқыланды. Тараптар халықаралық бақылаушылармен ынтымақтастықты жалғастырудың маңызын атап өтті. Орталық сайлау комиссиясы сайлаудың заң талаптарына сай, ашық әрі әділ өтуіне барлық жағдай жасалатынын мәлімдеді.