ШҚО-да «Алтай – түркі әлемінің алтын бесігі» халықаралық фестивалі өтуде

Бүгін шығыстағы Катонқарағай ауданында «Алтай – түркі әлемінің алтын бесігі» халықаралық фестивалі басталды. Шығыс Қазақстан облысы әкімдігі ұйымдастыратын дәстүрлі шара түбі бір түркі жұртының рухани құндылығын ұлықтауға арналған. Фестивальдің қалай өтетінін осы өңірдегі тілшіміз Олжас Керейханнан білейік? 

Биылғы фестивалдың ауқымы айтарлықтай кеңейді. Димаш Құдайберген арнайы қонақ ретінде шақырылды.  Сондықтан Алтайдың аясына әлемнің түкпір-түкіпірінен туристер толассыз келіп жатыр. Бас аяғы екі күнге созылатын фестивальде ақын Ақтан Нұрбаевтың 100 жылдық мерейтойы тойланады. Ақынның туған ауылы Берелде «Төр Алтай Ақтанын жырлайды» поэзия фестивалі өтеді. Онда еліміздің бірнеше өңірінен және шығыстың өз шайырлары Алтайдың түңгі аспанын жырға бөлеп, өлең оқиды. Ал ертең «Ақтанымын Алтайдың» атты ақындар айтысы өтеді. Сонымен қатар бірнеше қашықтыққа бәйге шабады. Тақымы мықты жігіттер көкпар тартады. Облыстағы әр аудан, қаласы тіккен кигіз үй маңында қолөнер жәрмеңкесі де ұйымдастырылады. Фестиваль соңы түркі мемлекеттерінің белгілі өнер жұлдыздарының гала концертімен түйінделмек. Оған Димаш Құдайберген арнайы қонақ ретінде шақырылды. Ол да ән шырқайды.