Жапонияда тайфунға байланысты төтенше жағдай жарияланды

Жапонияға «Бави» тайфуны жақындап келеді. Осыған байланысты төтенше жағдай жарияланды. Дүлей дауыл Окинава аралына қарай 162 шақырым жылдамдықпен жүйіткіп барады. Мұнда 900 ғимарат электр жарығынсыз қалған. Билік екпінді жел тұрып, нөсер жауын жауып, су тасқыны жүруі мүмкін екенін ескертті. Бұған қоса екі күнде 100-ден аса ұшақ рейсі кейінге қалдырылған. Ал сенбі-жексенбі күндері 160-тан астам ұшақ рейсі доғарылып, 20 мыңдай жолаушы жолынан қалуы мүмкін. Жапониядан кейін тайфун Қытайдың 10 млн тұрғыны бар Внэн Чжоу қаласына жетуі ықтимал.