Көлігіне қосымша отын багын салғандар жауапқа тартылуда

Қосымша отын бактарын заңсыз пайдаланған жүргізушілер жауапқа тартылды. Жыл басынан бері қосымша отын бактары заңсыз қайта жабдықталған көлікті пайдалану бойынша 255 құқық бұзушылық фактісі анықталды. Жауапкершілікке тартылғандардың ішінде 195 шетел азаматы және 60 отандасымыз бар. Заңсыз орнатылған қосымша отын бактары бөлшектелгеннен кейін көлік  иелеріне қайтарылды. Ішкі істер министрлігі азаматтар мен жүк тасымалдаушыларды заңнама талаптарын қатаң сақтауға шақырады және жанар-жағармай материалдарын заңсыз әкетуге бағытталған кез келген әрекеттердің жолы кесілетінін еске салады.