Заң үстемдігі – әділетті қоғам кепілі

Кез келген құқықтық құжат күшіне енгеннен кейін, оның жекелеген нормаларына қатысты сауалдардың туындауы – заңдылық. Ата заңға келгенде айқын түсінікті тек Конституциялық Сот бере алады. Сондықтан Мемлекет басшысының Конституциялық Сотқа жүгінуі заң үстемдігі қағидатын қамтамасыз етуге бағытталған маңызды қадам болды, дейді сарапшылар.

Нұрғазы Әнуарбеков, Конституциялық құқық және мемлекеттік басқару саласындағы сарапшы:

Біздің Конституциямызға сәйкес конституциялық норманы түсіндіре алатын бір ғана орган бар. Ол жоғарғы орган – Конституциялық сот. Түрлі интерпретация орын алмауы үшін Президент Конституциялық Сотқа жүгінді. Әлемдік практикада Жаңа Конституция қабылданғанда немесе ауқымды реформа орын алған жағдайда осындай практикалық сұрақтардың туындауы қисынды.

Айбар Олжай, экономист:

Біз Конституцияны 1 шілде күні қабылдадық. Сондықтан бұл шешімнің саяси тұрақтылыққа қатысты үлкен маңызын түсінеміз. Экономикалық өрлеуде үлкен үлесі бар.  Бізге инвестициялық циклдары бойынша жақсы көмектеседі деп ойлаймын.